Sual hi tu siam nge?

Sual hi tu siam nge?

He zawhna hi zawhna awm ve tak chu ani. Pathian hi engkim bul leh tawp/ Engkim siamtu leh dintu anih si chuan Sual hi ama siam/ amah atanga chhuak ani tihna ani, heti zawnga ngaihdan nei hi an tam khawp ang le.

Eng ka siam thin a, thim pawh ka siam thin ani; remna ka siam thin a, sualna pawh ka siam thin ani Isaia 45:7

Han chhiar liam deuh puat chuan Sualna (moral evil/ Inherited sin/ imputation of sin) te hi Pathian siam vek nimai a ngaihtheih ani.

Sual a chunga kan sawi hi Pathian siam lo nita nise chuan theology (attributes of God/ Pathian zepui) hi a inkalh nuaih dawn tihna ani. Theology in chiang taka a tarlan chu Pathian zepui/ nihna hi inkalh thei anilo tih hi ani. Eg. Pathian chu *thianghlim famkim (Holiness)* ani. Sual hi a siam anih chuan amah leh amah hi a inkalh dawn tihna ani.

Tin Philosophical topic hot tak *problems of Evil* chungchangah poh hian Christian apologist thenkhat te tanhmun ati khirh khan viau bawk ang.

*Isaia 45* hi uluk taka a a context kan en a, a tawngbul lam te ka en tel bawk chuan v 7 a *sualna* atih tak hi enge ani tih kan hrethei ang. v 7 ah hian Pathian chu Pathian chungnung leh ropui (ultimate sovereign) a thil siam tinreng te, mihring / hnam zawng² chunga roreltu leh thuber anihna, engkim chunga thuneitu anihna atangin a duhte/ hnamte a chawisang a, aduh chuan a pawt hniam bawk a. Ral indo naah a duh chuan remna a thlen bawk a, thenkhat awpbehna hnuaiah a awm tir a, Chhiatna leh rorelna hnam thenkhatah a Lal dang hmangte in a lantir bawk a(Hetih hunlaia Psrsia Lal leh Banulon chungchang atang poh hian a chiang viau mai). 

Hemi changa *Sual*(evil) tih hi Hebrai ah chuan *ra* ani (Sual sawi nan hian tawngkam/ thumal hrang hrang a awm) . Hmun dangah *ra* hi hman danah chuan *hliam, chhiatna, lungngaihna* tih hian hman ani thin. *Sual* tih hi hemi context bikah chuan Adama bohchhiatna  atanga kan neih heng *Moral evil, Inherited sin, Imputation of sin* tih lam hi nilo in , Pathian thuneihna tawp leh Lalber chuan *eng leh thimte* a siam ang bawkin a mah chawimawilo hnam leh thuawihlo hnamte chungah *Khuarel chhiatna (natural calamity)* te a thlen tir thin ani tihna ani.