SAM 77

Sam 77 ah chuan,

Pathian ka hre renga,ka buai ṭhin.ka kut hi zanah pawh ka la thla ngai lova,ka nunna hian thlamuan a duh lo,ka thlarau hi a chau ṭhin.

Lalpa kan hriat rengna lam hi nguntaka ngaihtuah chuan,beidawnna a mai a lo ni ṭhin.a changin Pathian fa,a changin ni leh lo.Pathianin min hriat dan erawh chu chawlhna kim ani reng zawk a,he thu ngai bawk hi nem nghetin..

Tun a chinah chuan keini zawngin tisa lamah chuan tumah kan hre tawh lovang.Tisaah Krista chu lo hre tawh mah ila,tunah zawng kan hre leh tawh lo ve,Mi tupawh Kristaa a awm chuan thil siam thar(a new creature)a lo ni a,thil hluite chu a ral ta a,ngai teh u,a lo thar ta.tiin 2kor 5:16,17 ah kan hmu kulh mai ani.

Isua Krista chanchin dik tak hriat ngawt chu sakhaw mi nihna ah pawh a der ani fo a,Isua Kristaa kan chanchin thar hriat erawh chu Nunna,chatuana Nunna ani.

Fate chuan nu leh pa hnenah thil tamtak an dil ṭhin a,dil ngai hauh lova fate'n an neih sa zawk chu Fa nihna ani.Pathian Fate kan lo ni,Fa nihna chu leilung pianhmain Kristaah pek kan ni daih tawh tih Bible chuan a lo chhinchhiah thlap mai(eph 1:3-6,2tim 1:10).

Krawsah Isua chu kan ai awhin i tan leh ka tan a mah leh mah inpein khaikanin a awm a,chu krawsa min hmangaihtu chu!A tawrhna rapthlak tawp,hling lukhum khum a,thisen far zawih zawih a,thlaphang tawpa,hmusittute endawngna kara tuarna tak chu lairilah hian kan hmangaihin mahni inphatin kan nung ṭan ta.chu ngei chu ama lama kan nun theihna,nitina kan kraws put chu ani si a.Mahni inphat(mahni nun ngei hua/hnar)te lo chuan Isua chu zui reng theih ani tih hi petera nun aṭangin Pathian thu ani e.

Isua Kraws mak tak chungah khan,Ropuina Lal thi ka hmuhin,Ka hlawkna ber ka ngainep a,Chapo,Uanna ka ngaitlawm a...Amen..

Kraws thiltihtheihna chauh lo chu,mihring ti danglam thei a awm lo.Isua Krawsa khenbeh na chauh lo chu thil dang engmah ngaihtuah duh lo khawp a mihring ti danglam daih theitu chu Kraws hnehna hi ani.

He Kraws mak tak hian nangmahah ngei khan thu a sawi ve tawh em?.

Amen.