*APOLOGIST*
Apologist *defender/ Lo do lettu/ dodaltu* tihna ani. Theology peng pakhat *Apologetic* in a tum ber chu *Kan rinna/ kan nihna kil hrang² atanga min rawn beitute laka lo invenna/ chhan let* hi a tum ani. chutiang ang taka kan rinna venhim hna thawk tute chu *Apologist* ti a koh an ni. *Apologetic hi Greek tawng apologia tih atanga lokal ani a* Apologetic chungchanga Christiante thupui laimu ber chu *1Pet 3:16* hi ani.
Apostle Paula kha Apologist tha tak ani, Thessalonica khua a a hun hman dan (Tirh 16:2-3) Athens a Missionary hna a thawhlai a a rawngbawl dan (Tirh 17:22-24) leh christian/ chanchintha dotu Lal Agrippa , Festus te hma a Krista thihna leh thawhlehna chungchang a dinpui atangte khan Paula hi Apologust tha tak ani tih hi kan hrethei ani.
Apologist tha tak ni tur chuan Christian rinna/ zirtirna leh Bible thu hi thuk tak a hriat angai ani. *Kan hriat chin hi zawm ila, Pathian thu hi hriat teuh lam anilo* ti tan chuan Apologist nih hi thil theih loh ani. Heng ang ngaihdan nei te hi a tlangpuiin Pathian thuk leh zuala hriatna kawnga beng dawh an ni ngailo bawk.
Tun huna christian Apologists tha leh mite zah kai *Norman Geisler, Josh McDowell, William Lane Craig, Lee Strobel, Daniel B wallace, Ravi Zacharias* an lehkhabu ziah ropui tak² te hi ringtu Pathian lam ngaiven mi tan chuan chhiar ngei² atan a tha leh tul ani.
Kawng khatah chuan ringtu tawh phawt chu apologist kan ni tur ani, christian(Piangnawn) tawh phawt chuan mite hriatah a rinna chu awmze nei leh chiang takin a sawi/ lantir thei tur ani *1 Pet 3:15; 2 Tim 2:25*. Apoligist ni tur hian expert nih kher a ngai chuang lo, mahse ringtu chuan *a chhan leh vang leh amaha beiseina neitu te lakah chuan a rinna chu a sawi fiah thei tur ani*
Kan tun hun zelah christiannity hi nasa taka beih ani reng, kan chenna Society leh Kil hrang² atanga beih ani reng. chumi chauh nilo in chriatianna chhung(within) atang hian in beihna nasa tak a awm reng bawk. kan hnung deuh khan *BARNA GROUP USA* a miten zirchianna an neih atanga an hmuhchhuah ah chuan 75% thalai kristian ten High School an zawh hnuin Kristian rinna an bansan/ kalsan thin. Hei hi a chhan niber a an ngaih chu Zirna in a zirtirtu Pathian awm ringlo (atheist) Pathian awm pawh ringlo awm loh pawh ring chuang lo (skeptic) te atanga zirtirna an dawn nasat vang niah an ngai. Mizoram ah ngei poh hian kan thalai tamtak Pathian awm ringlo an kat ve ta nuk mai. Tin kohhranah lah Pathian thutak zirna in hmun a chang tam tawh lo. Kan in enchian viau angai ani.
Rinna phatsanna vengtu tur atan hian *Apologist* kan nih theuh hi ava pawimawh tak em. Kohhran hrang hrang abikin thalai lam hi en ta ila,kum khat chhung hian Pathian thuzir (Bible study/ Group discussion) te hi vawi engzat nge kan neih thin le? Pathian thutak zira buaipui ai chuan activities hrang hrang hmangin kum kan tluan anih hi, Committee, Hla zir, Sports, Zo zan etc etc kan neih thin hi thil chhe ngawr² ani hranlo mahse hmasa tur zawk hi kan uar lo zawk chu anih hi.
Kan theologian te pawh hi in en kan ngai khawp mai. Rinna pensan na kawng zawh mek te hruaikir tur hian kan Pathian thuzir te hi kan duhtui angai ta khawp mai. Kekawr mar taka nawh, Savun pheikhawk tle taka bun a, Sam pial taka khuih a inhmuam up hi kan zirchhuah emaw tih mai tur ani ta te hi a ropui ber lo khawp mai.
*Lalpa a rinna nghat, Piangnawnna changte keimahni a midangin beiseina an neih te chhang thei turin i inbuatsaih sauh² ang u.*
No comments:
Post a Comment