LIBERAL THEOLOGY

LIBERAL THEOLOGY

~Lalfakawma

Liberal tih tawngkam hi Latin tawng, Liber (Zalen, mithuhnuaia awm lo) tih atanga lo chhuak a ni. Liberal Theology hi khawvel finna hmanga Pathian thu chik tak leh dilchhut taka chhui bingna lam a ni a, kohhran tih thin dan (traditon) leh Pathian thu an lo pawm tawh dan (tradional Theology) piah lama huaisen tak leh chik lehzuala Pathian thu zir bingna a ni. A bik takin science lam thiamna atanga Pathian thu thlirna leh kalpui dan a ni deuh ber. He theological movement hi 19th century a Enligthment an tih hun laia lo intan chho kha a ni.

Liberal-ho Pathian thu kalpui dan tlangpui
  ∆ kohhran thurin (Doctrine) lam ai chuan Ethics-lam a dah pawimawh zawk. A kalphung ah pawh kohhran thurin dah pawimawh bur lam a ni lo (Non-Doctrinal) a ni. ∆ Liberal Theology chuan mimal nun a dah sang (individualistic) hle a. Bible thuneihna (Scriptural authority), kohhran thurin leh inkaihhruaina te ai chuan mimal nun in a daihriat (experience) lam a dah pawimawh zawk bawk.

Lungchhiatthlak tak mai chu, rawngbawltu 'evangelist' ropui tak takten Pathian thutak zir nan leh Krista ram din nghehna tura theihtawp chhuaha Bible collage leh seminary an dinahte khan he modernism leh liberalism thurin hian kua a hreuh thuk tial tial a, a tawpah a lem zo thin a ni. America ram te leh khawvel ram tam tak, india thlengin, Bible zirna hmun tam zawk chu an liberal zo ta!

An text buah pawh Bible hi chung lam thuchhuak a nihna apiang thlauhthla zar zar zawngin (anti-supernaturalism) leh mihring kutchhuak mai a nih zawk dan hi an thupui ber a ni ta a; chu chu zir dan sang zawk 'higer criticism' tiin hming ropui tak an vuah leh nghal a. Bible pangngai zirtirna leh thuneihna (authority) hnuaiah hian an intulut duh reng reng lo va; anmahni zalenna an lo inpe chawp a, an thinlungah Pathian ni lovin, an ngaihdan "Reason" in ro a rel zawk a; tichuan pawm tur chin leh chin lote chu duh dan danin an lo thliar hmak hmak thin a ni.

Hei vang hian Ivan pani-a pawhin, "Kristian Kohhran a lo din tirh lai chuan a hmelmate tihduh-dahna a tuar nasa ber a; tunah erawh chuan a lamtanga inngaite hnen atangin a tuar ta thung a ni." a lo tih ni. Thawk khum kan pawm dan pawh a in-'Thlau' hleih viau niin a lang. Bible chauh ti a, kan kirleh hi a hun a ni.