BABULON KHAW ROPUI

​BABULON KHAW ROPUI MILEM BIAKNA

BABULON Khawpui ropui tak hi Lal nunrawng tak Nimroda din Ni a sawi Ani. Nimroda hi Nova tu te zinga Pakhat ani. (Gen 10:8-20). He BABULON KHAW ROPUI hi a hunlai a Khawpui pawimawh leh ropui ber ani. He BABULON KHAW ROPUI tak hi a zau zawng ringawt pawh mel 15 bial Ani.

Rom Historian ropui tak mai Herodutus chuan ti hian a sawi " He BABULON KHAW ROPUI kulh bang san zawng hi Ft 350 lai a sang ani a, a kulh bang chhah zawng pawh 87ft lai ani. Kulh bang in nghahna hi 35ft lai a thuk ani bawk. Kulh bangah hian Sakawr tawlailir pathum thawl deuhin an tlan thei dawn tihna ani. Tin, he kulh bang chungah hian a kual chhuakin duty post 250 zet mai kulh bang chungah hian siam ani bawk.

Chumai ala nilo, kulh bang pawn lamah kulh hual chhuakin tui luan kawr thuk tak siam ani a, he tui luankawr hi Euphrates lui atangin tui luang khat tur chu an la kawi bawk ani. Hemi an siamna chhan chu hmelma ten rawn run dawn tase kulh bang an rawn thlen hmain helai kawr hi an daikai phawt angai dawn ani.

Hetiang khawp a khaw ropui hi Lal Nimroda chuan a din ani. A Khawpui din dan atang reng hian Lal chak tak leh thil ti thei tak ani tih alang awm e.

TUNGE NIMROD-A?

Tui let leh Abrahama hun inkar Kum 400 tla chhung a Lal ropui tak chu Nimroda hi ani. Nova fapa Hama tupa ani (Gen 10). Genesis bu a kan hmuh angin Nimroda chu Sapel mi chak tak Lal ropui tak ani tih kan hmu a. BABULON KHAW ROPUI dintu anih mai bakah BABEL in sang satu Ani bawk.

Bible kan en chuan Bible a mihring hming thenkhat te chuan awmzia leh kawh bik an nei thin. Chutiangin Nimroda hming pawh hi Hel (rebel) tihna ani. A hming hi a pu zo hle a a chhehvel a cheng te nen a inlungrual taka awm ho aiin a thiltih theihna leh Sipai chakna hmanga awp beh duh zawk tu ani.

Juda Historian lartak Josephus chuan tiang hian a sawi " Nimroda hi Lal nun rawng tak ani, a mipuite chu amah a intulut vek turin a siam a, chumai niloin Pathian lakah phuba lak a tum bawk ani. A phuba lak tum dan chu Tui let nasa tak pawh lo thleng leh mahse, a chim phak loh khawp a sang in ropui din kha phuba lak nana sak a tum ani" tiin.

Nimroda hian khawpui ropui tak tak a din belh zel a heng, Ninevi, Erek, Akkad,  Kalne leh khawpui dang tamtak a din bawk ani.

He Nimroda hi Pathian hrelo mi, mahni indah ropui duh mi , serh leh sang engmah nei lo,Nupui atan pawh ama nu ngei nei duh mi ani. He anupui ama nu ngei pawh hi Nu lerh tak leh Nawhchizuar niin thawnthu hlui thenkhat ten an sawi.

Nimroda hi he khawvela Milem Pathian biakna tichhuak tu, Lal nunrawng tak a mipuite chunga nunrawnna hmanga roreltu (dictator) hmasa ber ani bawk.

Heng Milem Pathian Baal, Bel , Tamuz te hi Nimroda tihchhuah hi ani.

Pathianin a huat em em Mai Milem biakna Jerusalem Temple  hmar lam luhna bulah Israel Hmeichhia te ngeiin Tamuza ngaia an lo tap vel anih kha Ezek 8:14 Pathian thinurna kha Milem biakna khan a ko chhuak ani...

SEMIRAMIS HI TUNGE ANIH?

SEMIRAMIS tih chu Sumerian tawng chuan Sammur-amat ani a, Chu chu Hebrai tawng chuan Sinar tih ani. Genesis ziaktu in In the land of Sinar (Sinar hmunah) tih a hmanna chhan chu kan hrethiam mai awm e.

Eusebius a sawi dan chuan SEMIRAMIS hi Nimroda nupui anih mai piahlamah anu ani bawk a, Henu Leplerh tak hi Nova tunu Cush a fanu te zing ami ani e tiin a ziak ani.

Thawnthu hlui thenkhat sawidanah chuan he nu lepchiah tak mai hi Nimroda nen an inneih lai in midang fa a pai a, chu chu Nimrod an a hriatin a thinur hle a, tha hial a duh ani. Mahse he nu lepchiah leh fing tak mai hian a pasal bum nan leh tihlungawi nan dawt a phuahchawp ta ani. A naupai chu mak tak maiin Ni (sun) zung mak danglam takin a rai tir niin a sawi a chu thil chu a pasal pawhin a lungawipui ve mai bawk ani.

A hnu rei lo teah chuan a pasal Nimroda chu a thi ta a, SEMIRAMIS hian Lal thuthleng chu a luah zui ta bawk a. Chu a naupai chu mipui vantlang bum nan a hmang leh ta. Zan a mut laiin Inlarna a hmu a, chu a Inlarna hmuhah chuan a pasal thi ta Nimroda kha a rawn piang nawn (re-incarnate) leh dawn ani. Chu piannawn lehna chu thilmak tak atanga rawn thleng tur, Ni zung thil ti thei takin chu Piannawnna chi chu rawn dahin a rawn piang nawn leh dawn ani tiin.

Tun thlenga Milem bia ten Piannawn lehna (re incarnation) an zirtirna pawh he nu lepchiah Tak atanga rawn chhuak hi anih hmel hle ani

Chu SEMIRAMIS nu lepchiah tak chuan Fa a hring ta a a hmingah Tammuz tiin an sa ani. Tichuan mite ngaihdan ah chuan chu nu lepchiah chu Pathian nu (mother godesd) alo nita. 

Tun thlenga milem lar tak mai Nu in a fa a pawmlai lem hi Tammuza te nufa chawimawinan a lem kha siam ani. Mitam tak ngaihdan ah chuan Roman Catholic in Mari'n Isua pawmlai lem banga an tar te a lim an siam te hi, he Tammuz ate nufa atanga kal zel hi niin an ngaia, tam tak chuan Roman Catholic hi an hmu Milem bia em em mai bawk ani.

Chu Milem biakna Sakhua Nimroda te chhungkua a intan chu khawvel pumah a darh chak hle a, thenkhat sawi dan chuan Babel insang sak avanga darh ho te khan he Milem biakna hi hmun tinrengah ah pu darh ani an ti.

Nimroda nupui SEMIRAMIS kha Lalnu anih avang leh Nimroda nu anih avangin (Mother of goddess/queen of heaven) tiin an chawisang zel ani. Jeremiah 44:15-19 chhiar rawh.

Anni nufa hmimgthang em em mai kha Aigupta ho chuan Isis leh Osiris tiin an ko a, Hmasang Rom mite chuan Fortuna leh Jupiter tiin an ko bawk a, Greek mite chuan nu ropui Ceres tiin. Tun thleng hian Hindu ho pawh in IsI leh Iswara tiin an ko bawk ani.

Hming hrang hrang nei mahse he Milem biakna lo chhuahna bulpui ber chu, He nu lepchiah te nufa atang hian ani.

Pathian hian a huat em em chu Milem biakna hi Ani. Sinai tlanga thupek an hmuh zingah poh Milem biak a phal loh thu Kan hmu Ani. Mahse Israel fate Kha an lo sual ngei mai Israel hmeichhiate Tammuz angai in an lo tap vawng vawng anih Kha Ezek 8:14
Tunkum Presbyterian zirlai Thupuan 18:2-7 ah Khan BABULON KHAW ROPUI tlawm tur thu Kan hmu a. (A chunga kan ziah kim chang lutuk lo atang hian hriatthiamna kan neih beisei Ila)

He BABULON khawropui Sualna tinreng a khat atang hian Lei mihring te tlan tur a Isua lo kalna tur buatsaih nan thlahtu bul Abrahama a ko chhuak a.

Abraham an he khaw ROPUI chhuah San hmu ah hmelma ten an run a an hneh a Khawpui ropui an chhut chhiat sak a.

Chumi hnuah Nebukanezzar an BABULON ram ropui a rawn din thar a. Mahse zawlnei Isaia, Jeremiah ten an lo sawi lawk angin BABULON khaw ropui chu hmelma kut ah a tlawm lehta a.

Thuthlung hlui BABULON chu tih tlawmin a awm a, Thuthlung thar BABULON pawh hi chunglam thil tih theihna in Rapthlak takin ala ti tlawm leh dawn Ani.

Source :        Willmington Guide to the Bible

                     Halley's Bible Handbook