RAWNGBAWLTU HLAN INKHAWM THUCHAH

*RAWNGBAWLTU HLAN INKHAWM THUCHAH*
_'Thiltihtheihna neiin awm ang che' II Timo. 2:1_

Tih theih alawi nei lo hnenah rawngbawlhna mawhphurhna Pathianin min pe tlat mai hi Pathian hian a tisual palh hian ka ring thin.Mahse kan chakna ni lo,ama chakna ring a ke pen ngam te hnenah thiltihtheihna pek a tiam si.

RAWNGBAWLNA CHU ENGNGE?
*1.Inpekna/Insensona*
Pathian rawngbawlna hi Pathian tana inpek/in hlan/in senso tihna a ni a, rawngbawltu chu Pathian tan a insengso thin,hek thin,inhlan thin mi a ni.

*2.Damlai mel lung*
Dam lai mel lung phunna tha ber chu Rawngbawlna hi a ni.Kan thihni a kan chanchin miten an chhiar ngun lai chu Pathian tan hemi hian engnge a tih?tih hi a ni fo.Eng mel lung nge  phun ve ila kan duh dawn le?

*3.Thlarau lam thil a ni*
Khawvelah pawl hrang hrang(N.G.O)kan awm,hengte hi khawvel pawl,khawvel thil a ni. Kohhran leh a rawngbawlhna danglamna chu Thlarau lam thil anihna hi a ni.KTP,Kohhran Hmeichhia etc hi Thlarau lam thil a ni tih i theihnghilh lovang u.

*4.Rawngbawltu nun ngui leh hlim*
Mihring kan nih chhungin tui reng te, chak reng te,phur reng te a harsa thin.Chutih mek lai chuan rawngbawltu hian a en tur Isua en lova tute emaw,a sir lam emaw a en fo chuan rawngbawltu nun ngui a nei fo vang.
Nimahsela rawngbawltu chuan a kotu,a tirtu,a thlangtu lam a en tlat erawh chuan hlimna thuruk a chhar chhuak zel dawn a ni.

*5.I kut ami kha engnge?*
Pathianin Mosia hnenah i kut a mi kha engnge ni?ti a a zawh chuan Mosia chuan 'Tiang' a ti a,chu 'tiang' chu enganga tangkai nge anih kan hre theuh awm e.
   Vawiinah Lalpan min ko ve e...mi tling lo te,fello te,chaklo te kan ni.Mahse Lalpan a rawngbawl turin nang leh kei hi min thlang ve a,phu na lai reng kan nei lo ve.Mahse min ruat tu,min tir tu,min thlangtu hi a ropui em a, rinna in ke kan pen mai ani si.

       He kum tharah hian Lalpa leh a Kohhran tan theihtawp i chhuah theuh ang u.Kan kutah tihtur a dah a,thiltihtheihna min pek a tiam e.