AADHAAR CARD TI BO/ CHHUAK LO/ HMING etc. SIAM THAT NGAI TE TAN MAHNIA ONLINE-A BUAIPUI DAN

*AADHAAR CARD TI BO/ CHHUAK LO/ HMING etc. SIAM THAT NGAI TE TAN MAHNIA ONLINE-A BUAIPUI DAN*

https://resident.uidai.net.in/ ah luh tur

1. Aadhaar Card thleng theilo, message dawng tawh si emaw Aadhaar dawng tawh tibo tawh te tan Aadhaar Card download dan:

a. Aadhaar No nei sa emaw EID slip nei te tan:(Thlalak laia Receipt slip an pek chhuah chunglam vei lama digit 14 leh ding lama Date leh Time, a vaiin digit 28 hi EID number chu a ni.)

“GET e-AADHAAR” button click tur (PDF download ah Security password atan, mahni postal pin code theuh hman tur a ni.)

b. EID No hrelo/ EID Slip neilo tan “FIND EID/UID” button click tur

c. EID/UID hrelo leh Registered Mobile number a thleng theilo/nei lo te chuan DC Office Census Cell-ah zawhfiah tur a ni.

2. Aadhaar Card siam nana thla la tawh, message dawng lo, dak atanga Aadhaar dawng bawk silo te tan: “CHECK AADHAAR STATUS” button ah click tur.

a. EID Slip hmangin EID number leh tul dang te chhut luh tur.

b. EID No hrelo/ EID Slip neilo tan “FIND EID/UID” button click tur

c. EID/UID hrelo leh Registered Mobile number a thleng theilo/nei lo te chuan DC Office Census Cell-ah zawhfiah tur a ni

3. Aadhaar Card-a hming, Pa hming, Pianni, email emaw mobile number diklo siam that dan:

a. Registered Mobile Number nei te tan (Hei hi Aadhaar thla lak laia mahni/chhungte hnai ber mobile phone number kan pek kha a ni):

i. “Update Aadhaar” button click a “Update/Correction Request” button click leh tur

ii. Aadhaar Number leh Verification Code chhut luh tur a ni a, Registered number ah OTP (One Time password) a rawn thleng ang.

iii. Siam that ngai zawng tick tur (Checkbox)

iv. Siam that ngai zawng dik taka chhutluh hnu ah “Submit Update Request” button hmeh tur.

v. Siamthat ngai a zirin Original Scanned documents upload tel a ngai bawk a ni.

vi. Registered Mobile No. ah URN (Update Request Number) rawn thawn a ni anga, he URN hmang hian update a nih tawh leh tawh loh chhui zui theih a ni a, tihbo loh tur a ni.

vii. I siam that duh lai siam that a nih tawh leh tawh loh en dan:
Update Status (Siam that ngai lai siam that a ni tawh em tih) chhui dawn chuan “Check Update Status” button click tur
Aadhaar No. leh URN chhut luh a “Get Status” button hmeh tur.

b. Registered Mobile number neilo/diklo leh Online-a ti thei lo te tan:
i. Update Request form hi “Download Form” tab hmangin a download theih a, chhut luh ngai zawng zawng fill-up hnuah Supporting documents nen a hnuaia address-ah hian thawn tur a ni:

UIDAI,
Post Box No. 10,
Chhindwara, Madhya Pradesh - 480001, India

Emaw

UIDAI,
Post Box No. 99, Banjara Hills,
Hyderabad - 500034, India

ii. Mahnia thawn thiam lo tan DC Office-ah kalpui tur.

c. Aadhaar no emaw EID/UID hrelo tan Find UID/EID Button atanga chhui chhuah leh phawt mai tur a ni.

Please share!

SBI ATM CARD PIN MAHNIA SIAM DAN

He thil ka post tur hi SBI a account nei chuan lo vawng tha khiau ang che u. Tun hnaiah SBI chuan Green Pin a hman tak avangin ATM Card alo thlen hnua, PIN No SBI Branch a thleng thin chu a ti tawp ta a. Chuvangin mahnia PIN in siam chawp a ngai tawh. Chumi tur chuan SMS thawn a ngaia, amaherawhchu a thawnna tur SIM Card kha account i hawna, i mobile No dah ngei kha a nih a ngai. I mobile No i thlak a nih chuan Bank ah i thlak tir vat a ngai ang. I register mobile no chuan heti hian sms i thawn ang PIN XXXX CCCC (XXXX aiah i ATM Card hma lama No in ziak tlar digi 16 a a tawp lam pali kha chhut tur. CCCC aiah i Account No digit 11 a tawp lam pali Number kha chhut tur) hi 567676 ah i thawn ang a. Temporary PIN alo thleng ang a, chu chu darkar 24 chhungin ATM Booth ah thlak tur. ATM Booth ah ATM Card i rawlh lut ang a, BANKING tih menu ah lutin, PIN Change ah i lut ang a, i Pin thar tur chu i chhu lut tawh mai ang, confirm turin a ti ang che ang a, i chhu nawn leh ang a, ATM PIN/secret code i nei a ni mai. (PIN Change tih hma khian PIN No a ngai dawnah chutah chuan temporary pin kha hman phawt tur) I ATM hman lai PIN i theihnghilh palh a nih pawhin hemi ang hian a thar a dil theih tho.⁠⁠⁠⁠

GENESIS V/S THUPUAN BU

*GENESIS V/S THUPUAN BU*
*Ka inkhawm ve theih dawn loh vangin hengte hi lo study ta ila*

*1. A tirin Pathianin lei leh van a siam a. (Gen 1:1)*
*Van hmasa leh lei hmasa chu an boral tawh a. (Thup 21:1)*

*2. Tui awmkhawmte chu Tuifinriatte a vuah a. (Gen 1:10)*
*Tuifinriat pawh a awm tawh lo. (Thup 21:1)*

*3. Thim chu zan a vuah a. (Gen 1:5)*
*Chutah chuan zan reng a awm dawn si lova. (Thup 21:25)*

*4. Pathianin éntu ropui zawk (ní) chu chhun rorel turin, éntu ropui lo zawk chu zan rorel turin a siam. (Gen 1:15)*
*Chu khua chuan a ên turin ni a ngai lova, thla pawh a ngai hek lo.(Thup 21:23)*

*5. I ei chuan i ei ni lá láin i thi ngei tur a ni. (Gen 2:17)*
*Thihna a awm leh thei tawh lovang. (Thup 21:4)*

*6. I hrehawmna leh i nau paina chu nasa takin ka tipung ang. (Gen 3:16)*
*Lungngaihte, țah te, nat te pawh a awm leh tawh hek lovang. (Thup 21:4)*

*7. Lei hi nangmah avangin ânchhe dawngin a awm ta. (Gen 3:17)*
*Ânchhia réng2 a awm leh tawh lovang. (Thup 22:3)*

*8. Setana chu mihring bum turin a lo awm a. (Gen 3:1,4)*
*Setana chu chatuan meidîla paih luhin a awm ang. (Thup 20:10)*

*9. Nunna thing awmna ațanga hnawhchhuahin an awm a. (Gen 3:24)*
*Nunna thing a lo lang leh ta. (Thup 22:2)*

*10. Pathian hnen ata hnawhchhuah an ni a. (Gen 3:24)*
*A hmêl an hmu leh ang. (Thup 22:4)*

*11. Mihring hmasate chénna chu luikam a ni a. (Gen 2:10)*
*Chatuana an chenna tur pawh (Nunna) Lui kam bawk a ni. [(Thup 22:1).*

PAN CARD PAWIMAWHNA TE

PAN CARD PAWIMAWH NA TE.

🎍🐓🎍🐓🎍🐓🎍

Permanent Account Number (PAN) Card hi India rama kan la awm chhûng chuan a pawimawhna a nasa tulh tulh dâwn niin a lang. A hming ang hian validity a nei lova, renew pawh a ngai lo.
      Nikum January thla atang khan ngei ngei turin, compulsory a loni ta a ni.    Amaherawhchu hmun kilkhawr leh technology LA San lohna hmun kan nih avangin kan zawm nghal thut thut their lo va, tun hi kan thleng ta a ni.

          PAN Card chu Income Tax department in a buapui leh a pêk a ni. A pawimawhna tlêm ka han tarlang ang e.

1. Heng bank hrang hrang public/private/co-operative leh bank dangah hian account thar hawng tûr tân hmun thenkhatah chuan an demand tawh.

2. Credit or Debit card dilna atân PAN card neih ngei ngei a ngai. I neih loh chuan dil buai duh suh, i dilna kha enga mah hmain hnâwl a ni ang.

3. Life insurance pawimawhna kan hre thum tawh ngei ang. CBDT (Central Board of Direct Taxes) thuchhuah angin Rs. 50,000/- aia Insurance premium a tam chuan PAN card neih ngei ngei a ngai.

4. Rs. 5,00,000 aia to lirthei lei leh hralh dawnin a ngai.

5. Immovable asset (khawih chêt theih loh thil hlu) lei leh hralh dâwnin a ngai a, nei lo tân lei leh hralh awih a ni lo. Lei leh hralh tûr kha intâwm (joint) a nih pawhin a intâwmtute khän PAN card an neih theuh a ngai.

6. Rs.5,00,000 aia tam lunghlû leh tlereuh (jewellery) lei tûr tân a ngai.

7. Rs. 50,000 aia tam fixed deposit leh cash deposit ti tûr tân a ngai bawk a. PAN card neih loh chuan deposit atang TDS (Tax Deduction at Source) 20% cut emaw, a pungin Rs. 10,000/- emaw a tlin chuan a tam zâwk zâwk atanga 10% a tam cut tûr a ni.

8. Terrorism vênna leh khuahkhirhna atân India sawrkar chuan telephone connection thar (normal or cellular connection) atân PAN card neih a ngai a ti tawh.

9. Mahniin Stock Market / Money Market lama investment ti tûr emaw broker kaltlanga ti tûr tân emaw pawh PAN card neih ngei ngei a ngai.

10. Mimal, Firm, Society, Trust etc ten Tax Return an file dâwnin PAN Card neih ngei ngei a ngai.

11. NRI in PAN card a neih chuan awlsam takin India ramah thil lei leh hralh bâkah business awlsam takin a ti thei.

12. Airport, Hotel, Government Premises tec ah identity proof ah a tangkai hlê bawk.

13. Private registered company-a thawk tân PAN card a ngai, nei lo tân hlawh a lâk theih loh.

          Sawi tûr a la tam mai, Mizote tân bîk inhriattir ngai tak a ni. Vai ram dawr lian thenkhatah pawh transaction lian deuhah chuan PAN card a ngai zêl tawh mai. PAN Card tibo te chuan a hlui kha reprint a dil theih a, PAN number kha i hman tawh chuan chu chu duhthusâm a ni. I la hman loh chuan a thar dil mai pawh a theih tho.